Wednesday 27 June 2007

المنظرة (كتابات عامية)1992


المنظرة
وجهٍ يغالط مظهره
واللي وقف .. وده بسحرها يبهره
ولا ابتسام .. يحمل ملام .. ويستره

المنظرة
شحيحة في رسم العبر
صاحبها أول من ظهر
واللي وقف بعده يموت .. ميت ولو باقي له صوت
مثل اللي عاش بلا اسم .. وأنهى حياته بلا اسم
مجهول في الدنيا وهي .. تجهل .. اذا هو له رسم

المنظرة
فيها المشاعر تنشرى
فيها الصور أكبر ذرى
عشق اللي يكره نظرته .. وكل شي أصيل
حب اللي عاند بسمته .. بهمٍ ثجيل
وين اللي يفهم حكوتي .. المعنى بأول كلمتي
المنظرة

المنظرة
رسمٍ على لوح الخشب
تعكس صور .. شيٍ عجب
تعطي كثر .. ما يملي اللوح الجزاز
وحس اندثر .. ما ينذكر الا فمجاز

المنظرة
بالمعنى هي "عكس" الصور
والنظر .. رسم الصور .. في منظرة


بوساكت
1992

2 comments:

Shaima'a Alkandari said...

منظره تعكس لنا وجه الدنيا الاخر

تبين لنا وجه الانسان الاخر

تعبر عن الجانب الاخر الذي يحاول اغلبيتنا تجاهله او رؤيته


وبالنهايه تكون منظره جميله جدا

شكرا لك

bo_saket said...

جميلة بنظر صاحبها

لانها منظرة .. صامته
تظهر ما نحب ان نراه وتخفي ما نهرب منه

تشكرات افندم