Tuesday 19 June 2007

فارس (كتابات عامية)1994


فارس
هناك جالس .. في ذرى الوجدان
فارس
هناك جالس .. رغم اللي كان وكان
لو محيت الخوف .. تلقى قلبك له وطن
لو محيت الخوف .. كل شي في ذاتك أَمَنْ
لو محيت الخوف .. في داخلك بتشوف
فارس .. هناك جالس

كفاية
ما مضى .. عمر انقضى
واللي بعده .. انت بيدك تفرضه
مهما كان .. وضعك .. مكانك
اللي ساكن في كيانك
قوة أكبر ما تكون .. بكلمة يلفظها لسانك
وانت .. وحدك انت
لو محيت الخوف .. في داخلك بتشوف
فارس .. هناك جالس

لي آن الأوان .. واهتزت أركان الكيان
وتسارع النبض البطيء .. وذابت الأحزان
وقتها بتعرف .. أعذب وأحلى المعاني
وقتها بتشوف .. وجه الحياة الثاني
وكل ذاك العنفوان
لي آن الأوان .. عينك بتلغي المكان
وكل همها فارس
اسمه .. معاني الحب
ورسمه .. تعابير الحنان


بوساكت
1994

3 comments:

sologa-bologa said...

يا فارس السيف والوطن
يا مذيب الحزن في وقت المحن

صح لسانك يا استاذ


ودمت بحب وود

مبتدئ said...

ترى وايد حلو اللي كتبته

خصوصاً الفكرة
والفارس اللي هناك جالس
وبالأخير تقدر تصير فارس
هني جالس

حلو العامي بفكرة مو عامية

تحياتي بوساكت

قماشة said...

صح اللسانك يا فارس الكلمة
مبدع دوووم يا بوساكت