Monday 10 November 2008

عرفتيني (كتابات عامية ) 1995


عرفتيني
انا صوتك .. انا اللي ما نسيتيني
عرفتيني
انا دمعك .. وكفك .. عيا يمحيني
عرفتي فيني النبرة..؟ ولا خنقة العبرة
ولا صوتي المسموم .. موت باقي الذكرى
ردي ان عرفتيني .. عرفتيني


علميني .. شلون كانت احلامك .. وايامك .. عساها تكون مثل اول
علميني .. اذا هي هانت الامك .. واوهامك .. عساها اليوم لك اجمل
عسى ذكرانا بالخاطر
وقلبك تم لنا ناطر
واذا كان .. على النسيان .. ادري بالزمن .. شاطر
ردي .. ان ذكرتيني .. عرفتيني


نسيتيني .. وظنك هم انا بنساك
وقالولك .. خلي الهم عن دنياك
انا عارف .. كثيرة اعذارك .. ان قلتي
كبيرة .. صدمتك وانتي .. تأملتي
لكن ودي شي واحد .. اعرف شلون صدقتي
صدقيني .. وبدون احراج .. ما حسبت اني لك باحتاج
واثاري الدنيا .. مو سهلة
ولا تسمع لكل محتاج
ردي ان ذكرتيني .. عرفتيني

بوساكت
1995

تدرين من انتي (كتابات عامية) 1995

تدرين يا انتي
تدرين من انتي
انتي حلات الروح .. في داخلي صرتي
تدرين من غيرك .. ابكي على ذاك العمر .. وانتي بعيد عني
تدرين من غيرك .. ترعبني كل لحظة تمر .. لو قربت مني
كل هذا .. وانتي .. ما اظن تدرين
تدرين من انتي

قبلك انا صورة .. لكن في لون باهت
قلب انحرم نوره .. وعالم فضا .. ساكت
كل المعاني .. في حياتي .. بشكل ثاني
حتى الثواني .. اللي عدت .. موثواني
حتى احساسي بأماني
صرت اشوفه خوف
قبل اعرفك .. واعرف ان قربك أماني
كل هذا وانتي .. ما اظن تدرين
تدرين من انتي

بوساكت
1995

وقف (كتابات عامية)2002


وقف
شوف شكثر انزف
حتى الفرحة بعيوني
لاحظ .. بدت ترجف
والمعنى له .. قصة
لا تضيع الفرصة .. وقف

قوللي متى ..؟ يا اغلى ايامي متى
بنمحي الذكرى
ونحطم اسوار الشتى
متى بتشتاق ؟ متى عينك ؟ تجي بعيني .. بليا فراق
متى بترجع
وتبقى الغربة .. في موسم خريف اوراق


بوساكت
2002