هذي انتي..أغنية من زمن الفن الجميل

سنة 1987 هبيت بأغنية
(لي درجة ان فكل سيارة بالبيت .. نسخة من الشريط بواقع 7 – 8 نسخ تقريبا)
للفنان البحريني ابراهيم حبيب (مو طبيعية .. تشلع القلب) فيها الصورة والكلمة والنغم
وقبل فترة عنّت علي .. وقعدت ادورها .. واخيرا .. اخيرا لقيتها (هاهاها)
الاغنية اسمها هذي انتي من كلمات الشيخ عيسى بن راشد آل خليفة
ومن كثر ما أحب الاغنية .. هذي كلماتها

هذي انتي .. ما أصدق انج انتي .. هذي انتي
هذي انتي .. حن قلبج لي وتذكرتي .. ورجعتي
شللي يابج..؟؟ وانا كل همي اصبّر قلبي عنج
وابعد الذكرى اللي تصرخ كل لحظة .. من رحلتي
هذي انتي

انتظرتج .. انتظرتج انا والشوق
وتمنيتج .. تمنيتج على غفلة تجيني
تذكري العشرة اللي مرت .. يالحبيبة وتذكريني
بس طال الانتظار .. والامل ضيعته في ليل ونهار
واقتنعت انج بعدتي .. وما يردج لي حنيني
شللي يابج..؟؟ وانا كل همي اصبّر قلبي عنج
وابعد الذكرى اللي تصرخ كل لحظة .. من رحلتي
هذي انتي

جيتي .. وهدمتي جسر صبري .. اللي بنيته بالدموع
جيتي .. ورجعتيني للماضي .. وانا ما انوي الرجوع
غصب عني .. هز قلبي الشوق .. وسهرت عيني .. غصب عني
غبتي عن عيني .. واثر يا عمري كنتي فالضلوع
شللي يابج..؟؟ وانا كل همي اصبّر قلبي عنج
وابعد الذكرى اللي تصرخ كل لحظة .. من رحلتي
هذي انتي