Wednesday 13 June 2007

يا شرف عمري (كتابات عامية)2000


اللـه يحـشم جلالك .. ويعـزك برايٍ سـديد
ياللـي كنت النـور فينا .. وكنت نعـم السنـد
ما أمـلك إلا دعـوتي .. دعـوة لسـانٍ حميد
عسى الله ينصر شيبتـك .. ويمدك بقـوة وجلد
ياللي غلاك بقلـبي أكبر.. والله سبحانـه شهيد
من هـوى عاشق لـعاشق .. ومن غلا أم لـولد
انت النظر والروح وأكثر .. ومنك تعلمنا الأكيد
وروحي لو أملك أمرها .. تفـداك روحي والجسد
يا شرف عمري أعدّك .. منارة آخـرها بعيد
وأولها منحوت بضلوعي .. من يوم أنا طفل المهد
ولو تلوّن مـاي عيني .. يخط لك أطول قصيد
ينشد الكلمــات بسمك .. وينحـني لـكفٍ حمد
ولو على قلبي ونبضي .. كان يحـكي هالوريد
يمـلي الدنيـا بطيـبك .. ويغرّق نفـوس الحسد
كـلي أنا لك وأتشرف .. وودي لو أقـدر أزيد
ولو تطاوعني المعـاني .. ما انقطع صـوتي أبد
يا عضيـد الحق ابشر .. يبخصك حتـى البعيد
وزرعٍ غرسته في يمينك .. لا تبـالي لي انحصد


بوساكت
2000

5 comments:

Shaima'a Alkandari said...

الله الله عليك


شيئ جميل ان يكون مازرع محصود يستمر معنا طول العمر


كلمات رائعه ومدونه جميله


فشكرا لك

Unknown said...

يعنى لما لفيت بالمدونة مو يديد صارلك جم شهر ليش يا اخوى تونا نشوفك الله يعافى سلوقا بولوقا:)

الصراحة مدونة جميلة
يعطيك العافية

bo_saket said...

مشكورة وايد .. على الاهتمام والمجاملة

bo_saket said...

عساك عالقوة .. ومشكور عالاطراء الجميل


وسلووجا دوم أفضاله علي من ساسي لي راسي

قماشة said...

بوساكت تميز آخر ينضافلك

وكلمات ذات معنى


تحياتي