Saturday 21 July 2007

تقول يكفي (كتابات عامية)1989

تقول يكفي
وبدا الخصام .. بين كفها وكفي
تطلب من عيوني العمى
وتحول إحساسي لضما
وأنا أجاهد .. أو مثل ما هي تقول .. أنا أعاند
ويحق لي عنادي .. مهما تقول .. ومهما أنا انفي
تقول يكفي

مثلما لحظة سكوت
الفرح فيها يموت .. ماتت أحلامي
كلمة تنطقها بجنون
كلما تساورها الظنون .. وتنسى آلامي
آه يا لسانك .. لسان
ينهي حياتي بكل هوان .. وما فكّر بنزفي
ويحق لي عنادي .. مهما تقول .. ومهما أنا انفي
تقول يكفي

لا تحسبيني .. ياللي ملكتيني
إن الزمن يقدر ينسيني
أي زمن .. اللي يداوي بلا ثمن
أي زمن .. سمعتي يوم انه أمَنْ
أي زمن يوفي .. يا أغلى من شوفي
وانتي اللي بعتيني
آه يا لسانك .. لسان
ينهي حياتي بكل هوان .. وما فكّر بنزفي
ويحق لي عنادي .. مهما تقول .. ومهما أنا انفي
تقول يكفي


بوساكت1989
Posted by at

1 comment:

Shaima'a Alkandari said...

يمكن مع الوقت الانسان ينسى وتقدر تنسى

بس يبيله وقت طوييل

يكفي تقليب المواجع


كلماتك جميله فاجعلنا نرتوي من حروفك

26 July 2007 at 14:35

Post a Comment

Subscribe to: Post Comments (Atom)